Die feestyd is vir eenvoud en natuur 

Wanneer die feestyd aanbreek, verkies ek om terug te keer na die eenvoud van die natuur. Ek hou van kamp op afgeleë plekke wat ongerep is, waar ek regtig kan afskakel. Ek verkies kampeerplekke sonder selfoonsein, want daardie stilte en afsondering laat my weer herlaai. Ek spandeer graag tyd saam met my vrou, Riette, en ons seun Driaan. Ons roei, stap, lees, braai, en ek geniet dit om kos oor die vuur te maak. 'n Middagslapie is altyd deel van die dag, en my kussing gaan ook saam.

Burgemeester Dirk Kotzé

Welkom in Hessequa, 
waar die jaar se gewoel stil raak en die mooi van God se skepping weer asemhaal. 

Dit is vir ons ’n voorreg om julle in 2025 te ontvang en deel te maak van alles wat ons streek so spesiaal maak. Hier by ons vind jy meer as net rus en ontspanning. Jy vind mense met warm harte, dorpe met karakter, en ’n natuur wat jou nooi om weer jou voete in die grond, aan die voet van die Langeberge - ’n droom vir natuurliefhebbers en geskiedenis-entoesiaste, te plant. 

Verken ons kuslyn, proe ons kultuur, ondersteun ons plaaslike besighede, en geniet die stilte en die avontuur wat wag. Mag julle tyd hier gevul wees met vreugde, sagte vrede, mooi oomblikke en herinneringe wat bly. Ons weet Hessequa is ’n plek waar almal tuis voel en altyd sal wil terugkeer - ’n tuiste weg van die huis. Geniet elke oomblik by ons.

Burgemeester Grant Riddles

browse even more holiday spots

Click on the images to browse through everything you need to know about your holiday in the Green Oasis George, Knysna and Plettenberg Bay, or your escape to the tranquil and unique Greater Karoo region with all its charm.