Alle ligte voor op 'n voertuig moet op 'n gelyke afstand van 'n denkbeeldige sentrale lyn sit. Susan Geldenhuys (mediawoordvoerder: Hessequa Munisipaliteit) verduidelik: “Om hierdie lyn te verstaan, trek ‘n denkbeeldige streep van bo na onder deur die embleem op ‘n voertuig se sierrooster.
Dit is die sentrale lyn en alle ligte moet op gelyke afstande aan weerskante van hierdie lyn sit.
“Die regulasie skep 'n probleem vir soliede LED-ligstawe en heelwat ligstawe word by toetsstasies afgekeur, omdat dit in een lang strook oor die middelpunt van die voorkant van die voertuig aangebring is.”
Gewone LED-hoofligte is egter nie 'n probleem nie. As 'n voertuig met LED-ligte vervaardig word, voldoen dit reeds aan die vereistes van die Suid-Afrikaanse Nasionale Standaarde (SANS).
Indien die ligstawe nie standaardtoerusting op 'n voertuig was nie, is dit moontlik nie deur SANS goedgekeur nie en word dit volgens die regulasies nie toegelaat nie.
'Ons bring jou die nuutste Hessequa nuus'
