Update

HESSEQUA NUUS - In 'n skok aankondiging van die nasionale regering dat sport as nie-essensieel tydens inperking beskou word nie, het die Wes-Kaapse minister van sport en rekreasie, Anroux Marais haar departement daartoe verbind om te veg vir die beoefening en befondsing van sportfederasies en geleenthede.

Marais het op Maandag, 26 Oktober haar departement weer daartoe verbind om te bewys sport is wel essensieël. 

Dit volg na die nasionale regering volgens Marais wil besnoei op hul begroting deur befondsing van sport tot op die been te sny.

Marais het die klem op sport gelê as 'n middel om gemeenskappe op te hef. Sy het gesê elke sportkode het 'n verantwoordelikheid om na sportlui uit te reik wat nie oor genoegsame infrastruktuur en hulpmiddels beskik nie. Vennootskappe tussen sportlui is vir Marais van kardinale belang.

"In 'n somber nasionale fiskale omgewing is die aanneming van 'n hele benadering van samelewing, wat samewerkingspogings deur volhoubare vennootskappe aangewend word, broodnodig om ons onderlinge doelwitte te bereik om veilige en verbonde gemeenskappe moontlik te maak," het Marais gesê.

Sy het bygevoeg dat, as die betroubare vennoot van die provinsie se sport- en kulturele belanghebbendes, diegene wat die dinamiese verandering in gedragstendense op voetsoolvlak beïnvloed, sy daartoe verbind bly om hulle en die verskillende strukture te bemagtig deur innoverende hulp en ingrypings namate die behoefte en die vraag plaasvind.

Sy het gesê onder die visioenêre leierskap van premier Alan Winde, glo die Wes-Kaapse regering vas dat innovasie altyd op die agenda is. Sy sien daarna uit om saam nuwe idees aan te neem en altyd die regte ding met bekwame integriteit te doen.

Marais het sportlui aangemoedig om hul passie en entoesiasme te behou. "Elkeen van julle is 'n baken vir ons jeug."

Vorige artikel: Minister veg vir voortbestaan van sport

'Ons bring jou die nuutste Hessequa nuus'