HESSEQUA NUUS - Die Hessequa Potspelunieliga het Sondag 30 Junie hul 20ste week se wedstryde voltooi.
Uitslae
- Khula's wen hul tuiswedstryd teen Tiger Shooters gemaklik met 23-13. Hul A- en B-spanne wen met 8-4, terwyl die C-span met 7-5 deurskuur. Chesslin van Rensburg is speler van die wedstryd.
- Pro Stars wen hul tuiswedstryd teen Powerballs Elite met 19-17. Die wedstryd het wipplank gery met eers Pro Stars se C-span, wat met 10-2 wen. Powerballs verhang die bordjies daarna met dieselfde telling. Na 'n naelbytstryd tussen die A-spanne wen Pro Stars uiteindelik met 7-5. Cameron Buis (Pro Stars) is speler van die wedstryd.
- Playboys wen hul tuiswedstryd teen Game On maklik met 33-3. Die C-span wen met 9-3, terwyl die B- en A-spanne hul wedstryde met 12-0 beklink.
- Pumas wen hul tuiswedstryd teen Crazy 8 met 24-12. Die C- en A-spanne wen met 8-4 en 9-3 onderskeidelik, terwyl die B-span met 7-5 seëvier. Roderick February van Pumas is speler van die wedstryd.
- Namaqua wen hul tuiswedstryd teen Dolphins met 24-14. Hul B- en A-spanne wen onderskeidelik met 8-4 en 10-2, terwyl die C-spanne met 6 elk gelykop speel. Donnie Adams is speler van die wedstryd.
- Golden Q wen hul wegwedstryd teen New Generations met 24-12. Hul C- en A-spanne wen gemaklik met 8-4 en 9-3, terwyl die B-span met 7-5 wen. Ivor Lenderts is speler van die wedstryd.
- King Cobras wen met 21-15 teen Power Kids.
- Power Kings wen met 23-13 teen Scorpion Kings.
- United Stars wen met 24-12 teen Ball Breakers.
Die volgende spanne kry punte
- All Stars 36-0 teen Tigers.
- Cat Shooters 36-0 teen Cobras.
- Down Town 36-0 teen Ou Crocks.
'Ons bring jou die nuutste Hessequa nuus'
