STILBAAI NUUS - Boogskutters van so ver as Oos-Londen, Port Elizabeth, George en Mosselbaai het Saterdag, 19 Februarie saam met Stilbaaiers en Riversdallers aan 'n kompetisie deelgeneem.
Dit was deur die Straight Arrow-boogskietklub van Stilbaai by Putstop, 15km buite Stilbaai aangebied.
Dawie Botha en Ben Vorster het hulle goed van hulle taak gekwyt met die organisering en dit was duidelik dat almal dit gate uit geniet het.
Die sewejarige Thian Terblanche en 11-jarige Liam Oosthuizen het vier weke gelede hierdie sportsoort aangepak en was hierdie kompetisie hul heel eerste een.
SIEN NOG FOTO'S: Boogskutters wys hul slag
Boogskiet is verseker 'n sport vir alle ouderdomme en indien jy belangstel, skakel vir Botha (082 928 5699).
Hy is ook met opleiding behulpsaam.
Die pragtige baan by Putstop.
'Ons bring jou die nuutste Stilbaai, Hessequa nuus'
