Update
MELKHOUTFONTEIN NUUS - Die veldbrand wat vanmiddag, Woensdag 11 November in die omgewing van Melkhoutfontein, naby Stilbaai, gewoed het, is suksesvol onder beheer gebring.
Die Tuinroete Distriksmunisipaliteit het om 17:30 bevestig dat brandbestryders daarin geslaag het om die brand te bedwing.
Brandbestrydingspanne sal egter deur die nag voortgaan met opruimingswerk om oorblywende brandpunte te blus en te voorkom dat die vlamme weer opvlam.
Die gebied wat deur die brand geraak is, sal ook deurlopend gemonitor word om te verseker dat die vuur nie weer uitbreek nie.
Die Tuinroete Distriksmunisipaliteit het sy dank uitgespreek teenoor alle brandbestryders, nooddienspersoneel en ander rolspelers wat by die brandbestrydingsoperasie betrokke was.
Inwoners word versoek om enige brandverwante voorvalle onmiddellik by die Tuinroete Distriksmunisipaliteit se noodbeheersentrum by 044 805 5071 of per WhatsApp by 081 709 5193 aan te meld.
‘Ons bring jou die nuutste Tuinroete, Hessequa, Karoo nuus’
