ALBERTINIA NUUS - Die groep dames wat die poging aangewend het om die wêreld se grootste handgebreide trui te brei én daarin geslaag het, het dit nie daar gelos nie.
Daar is besluit die groep sal voortgaan en onder die naam BeeUnique funksioneer. Volgens die projekleier, Ninia Matther is dit 'n gepaste naam omdat die dames so besig soos bye is en elke dame is uniek.
Ongeveer 15 dames kom elke Woensdag vanaf 10:00 tot 13:00 bymekaar om te brei. Verskeie projekte is oor die afgelope tyd aangepak en afgehandel, onder andere 'n ark met diertjies in en verskeie produkte is tydens die Aalwynfees verkoop.
Almal is dit eens dat hulle mekaar beter leer ken het en soos 'n familie voel. Twee van die dames is nuwe intrekkers en die groepie het hul gemaklik by die res van die dorp laat inskakel en by hul groep verwelkom.
Vorige artikels:
- Wêreldrekord-trui by nuwe sportstadion
- Opvolg: Trui na Londen vir wêreldrekord
- Liedjie aan breiers opgedra
Lees meer in Donderdag se Suid-Kaap FORUM, asook aanlyn.
'Ons bring jou die nuutste Albertinia, Hessequa nuus'
