STILBAAI NUUS - Stuart Anderson (42) wat op 24 Oktober 'n haai aanval oorleef het, is uit die hospitaal ontslaan en sterk tans tuis aan.
Hoewel sy wonde besig is om gesond te raak, hy geen infeksie het nie en ook nie enige senuwee-skade opgedoen het nie is hy nog emosioneel na die traumatiese gebeurtenis.
Sy broer, Matthew noem aan Suid-Kaap FORUM dat Stuart uiteraard nog geskok is, maar baie positief om vinnig weer op die been te wees.
"Hy is tans op krukke en gebruik 'n rolstoel, maar kan nie wag om weer branders te jaag nie." Hy was Maandag, 2 November weer vir 'n mediese ondersoek in George en is die neuroloog tevrede met sy vordering.
"Stuart is ongelooflik gelukkig dat hy nie meer ernstige beserings opgedoen het nie en dat hy nie sy been of enige spier- en senuwee gebruik verloor het nie."
Klik hier vir vorige aritkels:
- Slagoffer van haai-aanval sterk tuis aan
- Branderplankryer oorleef haai-aanval
- Stilbaai haai-aanval: Familie prys NSRI
- Opvolg: Haai-aanval op Stilbaai
- Shark attack at Stilbaai
ARTIKEL: LOUISE MOUTON, SUID-KAAP FORUM - JOERNALIS
'Ons bring jou die nuutste Stilbaai, Hessequa nuus'
