ALBERTINIA NUUS - Dit blyk of die brand wat gister net buite Albertinia ontstaan het, nog nie heeltemal uitgewoed is nie.
Volgens korrespondent, Theresia van Rensburg, het dit weer begin opvlam sedert 10:00 vanoggend en baie naby aan die Theronsville woongebiede beweeg.
Raadslid Ivan Mangaliso het twee kleuterskole ontruim omdat die hitte en rook blykbaar ondraaglik geraak het.
Charl Wade van Working on Fire het teen ongeveer 15:30 genoem dat hul voorbrande maak om te verhoed dat die vuur verder versprei.
Om 16:40 het Adneshel Voss, hoof van Beskermingsdienste gesê hoewel die nooddienste steeds daar is, alles onder beheer is.
Klik hier vir vorige artikels:
'Ons bring jou die nuutste Albertinia, Hessequa nuus'
