Beide het na die finaal deurgedring nadat hulle onderskeidelik met Albertinia Rangers en Riversdal Rugbybklub Saterdag, 7 Maart op Heidelberg afgereken het.
Blues het vir Rangers met 15-3 kafgedraf nadat hulle 5-0 teen rustyd voorgeloop het.
Die wedstryd is deurgaans voor- en agterlangs hard gespeel en is met rotsvaste verdediging gekenmerk. Albei spanne het veral met hul agterlyne aanvalle geloods en sodoende hul onderskeie ondersteuners op hul tone gehou.
Vir die wenners het André Jacobs sy span se twee drieë gedruk, terwyl Wilbur January met een straf- en 'n doelskop geslaag het. Veandré Carelse het Rangers se enigste punte met 'n strafskop aangeteken.
Die hoofwedstryd tussen Heidelberg en Riversdal het goeie hardlooprugby by tye aangebied.
Beide spanne het die bal die werk laat doen. Vir Heidelberg het Shirgené Swartbooi, Nicky Lukas, Marcelino Meyer en Francois Pieterse elk 'n drie gedruk.
Carlo Williams het een strafskop en twee doelskoppe bygevoeg. Adri Buys het die ander twee drieë verdoel. Puntemakers vir Riversdal was Adam van der Rheede met sy span se enigste drie, terwyl Jaques Jansen met twee strafskoppe en een doelskop geslaag het.
Blues se tweedespan wen Riversdal Rugbyklub se tweedespan met 24-3 nadat hulle rustyd met 3 elk gelykop was. Puntemakers vir Blues was Odi Esau, Derick Heynes en TC Busch, elk met 'n drie.
Pat Filink het al drie doele verdoel en ook 'n strafskop bygevoeg.
Steven Jacobs het sy span se punte met 'n strafdoel aangeteken.
Heidelberg se tweedespan het gemaklik met 41-21 teen Rangers gewen nadat hulle net-net met 15-11 met rustyd voorgeloop het.
Vir Heidelberg het Justin McNeil, Clive Michaels, Henry Arendse, Franklin Stevens, James Plaatjies, Craig Geldenhuys en Chad Roberts elk ager die doellyn gaan kuier.
Corbin Swartbooi het met een doelskop geslaag, terwyl Roderick Februarie twee drieë verdoel het.
ARTIKEL: CLIVE PRETORIUS, SUID-KAAP FORUM KORRESPONDENT.
'Ons bring jou die nuutste Heidelberg, Hessequa nuus'
