SWELLENDAM NUUS - 'n Fietstoer ter ondersteuning van persone met Parkinsons begin op 4 Maart op Swellendam en eindig op 7 Maart by die Kaapstad-stadion.
Die informele fietstoer word deur persone wat self met Parkinsons leef, gereël.
"Die doel met die toer is om die boodskap uit te dra dat Parkinsons effektief bestry kan word met oefening, veral op 'n fiets," sê Reenen Barry, een van die organiseerders. "Gereelde fietsoefening kan wondere doen aan 'n pasient se balans. Ons wat met die kruis van Parkinsons saamleef, deel uit ons ervaring dat daar geen beter en goedkoper medikasie is as gereelde oefening vir die sinvolle behandeling van Parkinsons nie."
Die roete
- Maandag 4 Maart: Swellendam tot Silwerstrand (68 km)
- Dinsdag 5 Maart: Silwerstrand tot Rawsonville (67 km)
- Woensdag 6 Maart: Rawsonville tot Klapmuts (75 km)
- Donderdag 7 Maart: Klapmuts tot Kaapstad-stadion (66 km)
Enigiemand wat wil saamry, langs die pad wil ondersteun of geldelike bydraes wil maak, kan Barry kontak by 082 393 4438 of reenenmb@mweb.co.za.
'Ons bring jou die nuutste Hessequa nuus'
