SUID-KAAP NUUS - Elke jaar vereer die departement van kultuursake & sport (DKES) in samewerking met die distriksportrade 35 legendes in sport wat oor jare 'n werklike verskil in die sport en hulle gemeenskap gemaak het.
Daar is al heelwat Sportlegendes wat in Eden (SWD) vereer is - sommige nog met ons en sommige wat ons al verlaat het. 'n Groot uitdaging lê daarin dat die besture van die sportfederasies baie verjong het en dat baie van die Legendes nie aan hulle bekend is nie.
Dit is daarom dat die Eden Sportraad (EDENSR) graag die publiek se hulp wil inroep om hierdie legendes op te spoor.
- Persone wat 'n besondere bydrae gelewer het tot sport,
- Persone wat as 'n ikoon beskou word in die gemeenskap,
- Persone wat net hul beste gegee het vir sport,
- Persone wat 'n rol gespeel met hul bydrae om sport te bevorder voor 1992,
- 'n Leeftyd van diens tot 'n sportkode in die algemeen,
- Genomineerde moet 55 jaar of ouer wees.
- Persone moet reeds afgetree wees, behalwe in uitstaande gevalle waar die kwalifikasies van die kandidaat vir hulself spreek.
Alle sportsoorte asook die onderwysberoep kan genomineer word vanjaar. Die sluitingsdatum is Woensdag, 29 Julie en alle nominasies moet deur die betrokke sportfederasies gedoen word. Hierdie nominasies sal ook oorweeg word vir die Eden Sporttoekennings in November.
As iemand van so 'n Legende weet, gee dit deur aan sportcouncil.eden@gmail.com met die volgende inligting: Sportkode; naam en van; ouderdom; woonadres; tel-/selnommer; e-posadres, asook 'n kort beskrywing van die persoon se prestasies en betrokkenheid.
'Ons bring jou die nuutste Hessequa nuus'
