HEIDELBERG NUUSFLITS - Die plaaslike krieketklub, United het Saterdag 18 Maart hul jaarlikse afskeid in die Duivenhoks Gemeenskapsaal gehou waartydens spelers en lede erkenning gekry het vir uitsonderlike vordering of toegewydheid tot die voortbestaan van die sport.
Onder die aanwesiges was rdl Grant Riddles (uitvoerende burgemeester) en sy gade Leonie, Quinton Adams (onderwyser en skoolsielkundige), asook rdl James Gelderbloem.
Sertifikate is toegeken aan Andrew Pieters - beste kolwer; Daniëlo du Preez - beste bouler; Jaylin Opperman - mees waardevolste speler; Duan Roberts - beste opkomende speler en Corbin Swartbooi - beste veelsydige speler. Adams het namens die klub ’n donasie van Garth Esau vir sy sopkombuis in ontvangs geneem.
Erkenning vir verdienstelikheid: Die groep spelers en bestuurslede van Heidelberg United Krieketklub, asook hul gaste het rede om so breed te glimlag nadat die spelers sertifikate vir hul prestasies en toegewydheid in ontvangs geneem het. Agter van links staan Garth Esau, Jaylin Opperman, Duan Roberts, Leon Hartnick, Daniëlo du Preez, Andrew Pieters en Cecil Meyers. Voor: Quinton Adams, Leonie Riddles, Grant Riddles en James Gelderbloem.
'Ons bring jou die nuutste Heidelberg, Hessequa nuus'
