HEIDELBERG NUUSFLITS - United-krieketklub het Saterdag 10 November op hul tuisveld vir Melkhoutfontein met 32 lopies gewen.
Die tuisspan word met hul telling op 151 almal na 33.1 beurte uitgehaal.
Melkhoutfontein het 24 ekstra lopies met swak boul- en veldwerk bygedra.
Net Elrick Pretorius (kaptein) met 12 lopies, Corbin Swartbooi met 12 en Danielo du Preez met 10 kon dubbelsyfers behaal.
Die besoekers moes 152 in hul toegelate 50 beurte aanteken, maar word na 37.5 beurte almal vir 119 lopies uitgehaal. United het self 26 ekstra lopies aan hul gaste toegestaan.
Vir United het Pretorius met 4/32 met 1 leeg na 10 beurte die beste met die bal gevaar. Hy is goed deur Swartbooi met 2/13 na 5.5 beurte, Du Preez met 2/27 na 7 beurte en Pieters met 1/27 met 1 leeg na 10 beurte bygestaan.
Lees meer in Suid-Kaap Forum, asook aan lyn.
'Ons bring jou die nuutste Heidelberg, Hessequa nuus'
