STILBAAI NUUS - Laerskool Bertie Barnard het Dinsdag 10 Oktober hulle splinternuwe kolfblad getoets met gemengde welslae.
Beaumont Primary van Somerset-Wes het min moeite ondervind om Bertie Barnard almal terug in die kleedkamer te hê met hulle telling op 64 almal uit.
Beaumont Primary het toe blitsvinnig 69 vir 0 behaal en so hulle kort toer in Hessequa goed begin. Hulle het Woensdag teen Laerskool Volschenk in Riversdal gespeel voordat hulle terug Kaap toe gekeer het.
Bertie Barnard bied hulle jaarlikse uitnodigingskriekettoernooi aan op Vrydag en Saterdag 13 en 14 Oktober in Stilbaai en die kolfblad het die toets geslaag.
Ses skole neem deel waarvan een van Ladybrand kom.
‘Ons bring jou die nuutste Tuinroete, Hessequa, Karoo nuus’
