Skuts presteer plaaslik

Update Video

RIVERSDAL NUUS - Vir die eerste keer moes vroueskuts in die 10 m-staandissipline 60 skote skiet, in plaas van die voorgeskrewe 40 gedurende 'n 90 minute aflos.

DIt is omdat die reëls rondom vroueskuts verander het. Fiona Rall is een van die vroue en het gesê dat 20 meer skote 'n groot verskil maak.

"Jy moet skielik langer konsentreer as wat jy gewoond is.

"Jou spiere moet ook gewoond raak daaraan om 'n langer sessie uit te hou."

Klik hier vir 'n fotogalery.

'n Luggeweer-skyfskietkompetisie is deur South African Air Rifle Federation (SAARA) Eden aangebied wat 'n distrik van SAARA Wes-Kaap is.

Die kompetisie het in die Cot de Necker-saal Saterdag 10 Februarie plaasgevind.

Luan Serfontein het 'n Wes-Kaap provinsiale kwalifiserende telling in die 10 m-dissipline geskiet.

Hy is 'n laerskoolleerder terwyl die ander skuts hoërskoolleerders is.

Twee debutante, Bernita Struwig en Jason Minnie het die eerste keer aan 'n kompetisie deelgeneem vandat hulle die jaar aan die sport begin deelneem het.

Die presisieklas is 'n olimpiese dissipline, skuts kan ook Protea-kleure in die klas verwerf.

Die sporterklas is die voorbereidings dissipline vir presisie en skuts kan in die sporterklas SA federasie kleure verwerf en aan uitnodigingstoere na Europa en Amerika deelneem.