STILBAAI NUUS - Die vinnige optrede van ’n nuwe inwoner van Stilbaai, het Sondag 17 Februarie waarskynlik ‘n Skotse toeris se lewe gered, terwyl haar vriendin deur twee jongmense met onderskeidelik ’n lyfplank en branderplank na veiligheid gebring is.
Leon Muller (61), wat in Desember hierheen verhuis het, het ten spyte van ’n seer skouer en uitputting een van twee vroue wat by Lappiesbaai in ’n sleurstroom beland het, uit die see gered.
“Ek was baie moeg en het self amper verdrink,” het hy Maandag aan Suid-Kaap Forum gesê.
'Ons bring jou die nuutste Stilbaai, Hessequa nuus'
