HESSEQUA NUUS EN VIDEO - Vaders in die streek het of gaan sommer vroeg-vroeg 'n soet voorsmakie van Vadersdag kry wat vanjaar op Sondag, 21 Junie gevier word.
Suid-Kaap FORUM het vandag Ou Meule en Jan Lange tehuise op Riversdal besoek en elke pa het 'n pakkie lekkers gekry.
Dit is deel van die koerant se Goue Oues Projek, wat moontlik gemaak is deur donasies uit die gemeenskap.
Marlize Gomes van Riversdal het twee sangnommertjies gelewer, wat 'n paar van die pa's 'n traan laat wegpink het en hoewel redelik skugter, het van hulle saamgesing of geneurie.
Die tehuise op Stilbaai, Albertinia en Heidelberg sal Sondag besoek ontvang.
Weereens 'n groot dankie aan al ons donateurs wat hierdie projek moontlik maak.
Kyk hier na 'n video:
Dit is deel van die koerant se Goue Oues Projek, wat moontlik gemaak is deur donasies uit die gemeenskap.
ARTIKEL, FOTO'S EN VIDEO: WILMA ADAMSON, SUID-KAAP FORUM REDAKTEUR.
'Ons bring jou die nuutste Hessequa nuus'
