WITSAND NUUS - Na afloop van 'n vergadering tussen betrokke partye het Hessequa Munisipaliteit voorgeneem om die waterkrisis hier daadwerklik aan te spreek.
Die vergadering tussen die Witsand Port Beaufort Belastingbetalers Assosiasie (WPBBA), rdl Emor Nel (uitvoerende burgemeester), Johan Jacobs (munisipale bestuurder) en Reggie Wesso (hoof: tegniese dienste) het op Dinsdag, 13 Januarie plaasgevind.
Op 16 Januarie is 'n geslote vergadering saam met Hessequa LPP, Denis Joseph gehou waartydens daar gekyk is na langtermynoplossings en ontwikkeling vir Witsand.
Van die projekte wat insluit die herstel van strate, stormwater, randstene en opgradering van die elektriese substasies, rioolvloeimeter, laaisone vir vullisverwydering, die glipweg van die jetty, asook die twee kampterreine refklekteer reeds op die Hessequa begroting vir die volgende vyf jaar.
Die WPBBA het addissionele parkering en die aanbring van ekstra ablusieblokke aanbeveel om die ekstra vakansiegangers en dagbesoekers oor Paasnaweek en Kersfees te akkommodeer.
Daar is ook voorgestel dat die gebied perfek is vir ontwikkeling van 'n wandelpad aangesien veral walviskyk gewild is. 'n Speelplek vir kinders en groot waterwurm word ook beplan. Joseph het genoem dat dit belangrik is dat die waterprobleem spoedig aangespreek word om 'n herhaling van die afgelope vakansieseisoen se probleme te vermy.
ARTIKEL: THERESIA VAN RENSBURG, SUID-KAAP FORUM-KORRESPONDENT
Klik hier vir 'n vorige artikel.
'Ons bring jou die nuutste Witsand, Hessequa nuus'
