RIVERSDAL NUUS - 'n Voorlopige staking in vervolging teen Evert Kleinhans op klagtes van besit, handel en kweek van dagga is Vrydag, 18 Desember in die Wes-Kaapse Hooggeregshof toegestaan. Hy is vrygelaat op R10 borgtog.
Suid-Kaap FORUM is laat Vrydagaand hiervan in kennis gestel en is in besit van die hofbevel. Kleinhans is op Woensdag, 2 November in hegtenis geneem nadat lede van die K-9 honde-eenheid op die plaas waar hy woon toegeslaan het. Dagga ter waarde van R30 000 en 204 daggaplante is gekonfiskeer.
Die hofbevel stipuleer dat vervolging gestaak word nadat hy die Hooggeregshof genader het om sy grondwetlike reg te betwis rakende die Wet of Dwelms en die Wet op Medisyne. In 'n vorige arrestasie op soortgelyke klagtes het hy ook geslaag om 'n staking in verhoor te verkry deur so 'n hofbevel.
Volgens inligting vanaf 'n betroubare bron behels dit dat Kleinhans daarin geslaag het om die minister van polisie, die Nasionale Vervolgingsgesag, asook die landdros op Riversdal verbied is om voort te gaan, vir die oomblik met sy vervolging.
"Hierdie nuutste bevel het meer gevolge as die vorige een daarin dat dit ons ook verhoed om hom te vervolg wanneer hy dagga verkoop," het die bron aan die koerant bevestig in 'n e-pos.
Klik hier vir vorige artikels:
- Dagga-saak voorlopig gestaak
- Handeldryf met dagga: klagte laat vaar
- Borgtog geweier in dagga-saak
- Geen borgtog vir 2 oor dagga
- Twee bly in aanhouding
- Twee van Stilbaai bly in hegtenis
- Borgtog nie afgehandel
- Dagga: 2 bly in aahouding tot 17 November
- 2 vas vir dagga bly in aanhouding
- 2 mans van Stilbaai vas vir dwelms
ARTIKEL: LOUISE MOUTON, SUID-KAAP FORUM JOERNALIS'
'Ons bring jou die nuutste Riversdal, Hessequa nuus'
