STILBAAI NUUS - Francois en Mariska Rossouw wie einde September aan die 'Love your nuts'-veldtog (LYN) deelgeneem het in hul rooi Valiant, het algeheel tweede geëindig tydens dié eiesoortige wedren.
Volgens Mariska is dit glad nie sleg vir so ou motor nie en het hul ook geen probleme langs die pad ondervind nie. Die veldtog self is vir 'n goeie doel, maar daar was ook baie pret, plesier en natuurlik avontuur, aangesien die roete nie vooraf bekendgemaak is aan die deelnemers nie.
Die LYN-veldtog skep bewustheid rakende testikulêre kanker en spits hom toe veral op gemeenskappe waar hierdie onderwerp taboe is. Dit funksioneer onder die sambreel-organisasie 'People living with Cancer'.
Die hoofdoel wat die organisasie wil bereik, is om die 'Cancer Smart School Programme' (grade 3 tot 12) gratis beskikbaar te stel by alle skole in Suid-Afrika. Vrydag 7 Oktober is die avontuurlustige egpaar weer vort met die Valiant vir die jaarlikse 'Bull Run'.
Klik hier vir vorige artikels:
- Valiant tweede oor eindstreep
- In 'n Valiant vir 'n goeie saak
- Stilbaai Valiant deel van Nuts and Bolts Rally
ARTIKEL: LOUISE MOUTON, SUID-KAAP FORUM-JOERNALIS
'Ons bring jou die nuutste Stilbaai, Hessequa nuus'
