RIVERSDAL NUUS - Die plaaslike polisie doen 'n beroep op die gemeenskap om ag te slaan op ondervermelde veiligheidswenke, om sodoende te verhoed dat 'n misdryf gepleeg word en inwoners 'n slagoffer van misdaad word:
Bedrog deur plapos (spam)
- Moet nooit 'n e-pos of selfoonboodskappe beantwoord wat jou persoonlike en/of bankbesonderhede aanvra nie;
- Moet nooit jou bank pin/aanlyn pin neerskryf of vir iemand anders gee nie;
- Moenie enige geld inbetaal as die e-pos of selfoonboodskap dit vra nie.
- Veiligheid tuis
- Maak seker dat alle deure en vensters gesluit is as jy nie by die woning is nie;
- Stel familie of bure in kennis as en wanneer jy van die woning weggaan en die tydperk wat jy nie tuis sal wees nie;
- Sorg dat alle toerusting, soos grawe en byle wat gebruik kan word in 'n aanval, veilig weggebêre is wanneer dit nie gebruik word nie;
- Moenie tydelike werkers in diens neem sonder enige verwysings nie;
- Verwyder digte bosse of bome by die woning wat as skuiling gebruik kan word;
- Rapporteer verdagte persone onmiddelik aan die plaaslike polisie.
Veiligheid van voertuie
- Moenie waardevolle items soos skootrekenaars, kameras, selfone en/of kontant sigbaar in 'n voertuig los nie;
- Maak seker dat alle vensters en deure van die voertuig gesluit is;
- Verwyder losmaakbare radio's en radio gesiggies;
- Moenie 'n handsak sigbaar in die voertuig agterlaat nie.
- Die polisie raai inwoners aan om by die buurtwag in jou woongebied aan te sluit.
Die volgende persone kan gekontak word: Sers Arries - sektor 1 (Môrestond, Riverville en Aloeridge): 082 5222 707 en sers Heskwa - sektor 2 (Kwanokuthula, Aalwynfleur en besigheidsgebied): 071 6048 365.
'Ons bring jou die nuutste Riversdal, Hessequa nuus'
