STILBAAI NUUS - Historiese bergpasse van die Langeberg en Outeniqua berge word by die University of the Third age (U3A) se maandelikse vergadering bespreek.
Dit vind plaas op Maandag 27 Februarie van 09:00 tot 09:30 in die Jagersbosch Gemeenskapsorgsentrum se Waenhuis.
Die afgelope twee dekades het 13 van die 14 passe tussen Montagu en Plettenbergbaai 'n noemenswaardige rol in die geskiedenis van die Suid-Kaap gespeel . Meeste van dié historiese passe is vandag nog in gebruik. Historikus Niel van Wyk sal deur middel van 'n geïlustreerde toer die passe se geskiedenis en ontwikkeling bespreek.
U3A se ledetal staan tans op 149. Die organisasie is ten doel om mense in hul middel tot laatjare bymekaar te bring om hul kennis, belangstellings, sosiale interaksie en vaardighede met mekaar te deel, asook aan te wakker.
Lidmaatskap is nie verbonde aan 'n spesifieke ouderdom nie, maar weerspieël 'n tydperk in 'n mens se lewe na die tweede era van voltydse werk en verantwoordelikheid as ouers. Enige persoon in hul derde era kan aansluit en dit sluit mense in wat deeltyds werk.
U3A Stilbaai het 'n Jagersbosch Fonds geskep om die fasiliteite vir vergaderings in Die Waenhuis te verbeter. Intussen is 'n permanente muur-projeksieskerm en 'n projektor aangekoop.
Die opgradering beteken dat meer organisasies dit kan gebruik vir vergaderings en beteken meer inkomste vir die diensorganisasie.
27 Maart: Sal Carter praat oor berowing of ontneming en hoe om so 'n situasie te hanteer.
25 April: Max Döckel bespreek die 2017/18 Begroting
29 Mei: Derick Swart praat oor aanpassings in veeboerdery as reaksie op veranderinge in die omgewing.
26 Junie: Daan Toerien bespreek die impakte van 'fracking' in die Karoo op toerisme.
31 Julie: Petra Daneel vertel meer van Jagersbosch Gemeenskapsorgsentrum.
'Ons bring jou die nuutste Hessequa nuus'
