Morné D'Emiljo (Vispol: Stilbaai Polisie) noem op die Stilbaai-Hoogte Buurtwag WhatsApp-groep dat inwoners daarop moet let dat die inbrake oor 'n tydperk plaasgevind het: "Die doel van die inligting is om verhoogte sigbaarheid en bewustheid te verseker. Arrestasies is ook reeds in sommige van die huisbrake gemaak."
Die volgende strate staan uit volgens D'Emiljo:
• Jongensfontein – Dolfyntjie- en Daytonaweg;
• Stilbaai-Oos; Hoofweg-Oos, Panoramasingel en Fisantstraat;
• Stilbaai-Wes: Oester-,Waterkant-,Sterretjie-, Keurboom-, Park-, Harmonie-, Perdekuil-, Bessie-, Geelhout- en Lobeliastrate;
• Melkhoutfontein: Sonop-, Belman- en Heidestrate, Palmietslot en Harmonypark-noord.
"Rapporteer alle verdagte persone, voertuie en omstandighede onmiddellik by die polisie. Tref ook voorkomende maatreëls om eiendom te beveilig. Moenie enige persoon op jou perseel toelaat nie. Probeer om nie nalatig te wees nie en sluit deure en vensters." D'Emiljo moedig die publiek aan om leë huise te rapporteer sodat die polisie dit kan besoek.
'Ons bring jou die nuutste Stilbaai, Hessqua nuus'
