Gallery
STILBAAI NUUS - Leerlinge van Laerskool Bertie Barnard het Woensdagnamiddag 23 Mei ’n speletjiesaand aangebied.
Die doel was om geld in te samel vir hul voorgenome Burger Strandhuis-toer waar gr. 6 en gr. 7-leerlinge vanaf 17 tot 22 Junie die Kaap besoek.
Die laerskool het behoorlik gewemel van aktiwiteite waar deelnemers moes opdok om aan interessante speletjies deel te neem.
Deelname is natuurlik aangemoedig deur ’n prys wat meestal reguit maag toe is. Daar was heerlike eetgoed om aan te smul en kinders en onderwysers het tot laat gespeel terwyl ouers ook daar was om ’n ogie te hou.
'Ons bring jou die nuutste Stilbaai, Hessequa nuus'
