RIVERSDAL NUUS - Die 2015 Riversdal Sportfees is die breinkind van Riversdal Toerismevereniging en hul het reeds Donderdagaand, 30 Julie vergadering gehou om hierdie aangeleentheid te bespreek.
Volgens Danie Crafford, voorsitter is hul beplanning om tydens die Al-2-Hez bergfietswedren wat jaarliks op die eerste naweek in September plaasvind en reeds alombekend is, ook 'n sportfees vir die naweek te beplan.
"Ons poog om by wyse van 'n Riversdal Sportfees die belangstelling van inwoners en die publiek daarbuite te prikkel ten einde die dorp en omgewing aktief ten toon te stel en die plaaslike ekonomie te stimuleer. Ons ageer slegs as sameroeper vir die onderskeie sportliggame en die sportklubs bied afsonderlik 'n sportgeleentheid aan waar deelnemers en toeriste van sover as moontlik genooi word.
Die sportfees haak aan by die Al-2-Hez bergfietswedren en ons beoog om dit 'n jaarlikse instelling te maak en uit te brei om 'n ware dorpsfees te word," aldus Crafford.
Die volgende liggame het reeds aangedui dat hul beoog om deel te neem
Al-2-Hez bergfietswedren; die Trail Run ge-reël deur die Al-2-Hez span; Gholf by Riverdal Gholfbaan; Jukskei by die Jukskeibaan oorkant Takkieskloof; Modelvliegtuig by Riversdal Vliegveld met 'n uitstalling by Riversdal Rugbyklub; Muurbal by die Muurbalbane oorkant Takkies-kloof; Perdry - 'n rit vir ruiters; Rugby by Riverville Sportgronde; Sokker (Zamma Zamma) by Riverville Sportgronde; Tennis by Riversdal Tennisbane oorkant Takkieskloof; Veerpyltjies by Riversdal Rugbyklub; asook die Kansa stap.
Vir enige meer besonderhede skakel Crafford by 083 282 6260.
ARTIKEL: ELIZE BLOM, SUID-KAAP FORUM JOERNALIS
'Ons bring jou die nuutste Riversdal, Hessequa nuus'
