Johannes van Zyl is die tesourier en Johan Kriel sekretaris. Die res van die bestuurslede bestaan uit Marthinus Strydom, Louise Christie, Didi Serfontein, Willie Delport en Hanru Liebenberg. In gesprek met Strydom verduidelik hy dat die sakekamer hierdie jaar op besigheidsontwikkeling, opleiding en bystand gaan fokus.
"Die moeilike ekonomiese klimaat bied aan ons almal 'n uitdaging, maar as ons slim te werk gaan, kan ons maksimum voordeel uit al die geleenthede tot ons beskikking trek. Ons sal ons daarop toespits om besighede by te staan met tegnologie, bemarking, besigheidsvaardigheidopleiding en leierskap. Ons sal ook na maniere kyk om besighede te help om te groei en groter inkomste te genereer."
Volgens Strydom wil hulle netwerkgeleenthede daarstel vir besighede op Stilbaai, Jongensfontein en Melkhoutfontein.
"Ons moet as gemeenskap mekaar ondersteun en al die saamwerkgeleenthede benut."
Die sakekamer spits hul daarop toe om 'n volhoubare en regverdige verhouding tussen besighede en die Hessequa Munisipaliteit te skep. "Ons is hier om die belange van ons lede te beskerm; derhalwe sal ons kyk na kostes en bestuursprosesse."
Sakelui wat nog nie lid is nie word aangemoedig om aan te sluit om sodoende baat te vind by die waarde wat dit tot 'n besigheid kan toevoeg.
Ten slotte noem Strydom dat hulle oor 'n nuwe webtuiste beskik. "Ons is baie opgewonde oor die funksionaliteit wat binne die volgende paar maande bygevoeg gaan word. Besoek gerus die webtuiste."
• [email protected] (algemene navrae)
• [email protected] (navrae tov finansies)
• [email protected] (navrae oor die geleentheidskalender)
• [email protected] (navrae tov media)
Die Stilbaai Sakekamer bestuur van agter van links is Johannes van Zyl (tesourier), Willie Delport, Rean Pretorius (voorsitter), Phillip Pansegrouw (onder-voorsitter) en Marthinus Strydom. Voor is Louise Christie en Didi Serfontein. Afwesig: Johan Kriel (sekretaris) en Hanru Liebenberg.
ARTIKEL & FOTO: LOUISE MOUTON, SUID-KAAP FORUM-JOERNALIS
'Ons bring jou die nuutste Stilbaai, Hessequa nuus'
