Dit sal Donderdag, 19 November presies drie jaar wees wat Michael en Lesley Amos die stadsliggies verruil het vir die platteland. Aangesien Michael 'n formidabele sjef is, het hul Delish Restaurant, Bakkery en Deli geopen, buite Heidelberg.
Vandag is Delish 'n bekende baken vir inwoners in die omgewing, sowel as N2-gebruikers wat gou aftrek vir 'n heerlike ete en lafenis. Hul ken die baie beplanning gepaardgaande met die Desember-vakansie en dit is juis die rede dat hul nou al hul Kersfunksie spyskaarte bekend maak.
Hul bied drie 3-gang spyskaarte waarin daar by elke spyskaart die voorgereg asook die hoofgereg vir die gaste op die tafel gedek sal word om hulself te help, maar die nagereg kan elke persoon self bestel. Die drie spyskaarte is goed vooraf beplan sodat dit elke persoon se smaak sal pas.
Volgens Michael is vooraf besprekings van uiterste belang. Hul is ook oop vir besprekings rakende die aanpassing van hul spyskaarte vir die behoefte van 'n groep gaste.
Sondae vanaf 08:00 tot 17:00; Maandae en Dinsdae vanaf 08:00 tot 18:00; Woensdae tot Saterdae vanaf 08:00 tot 21:00.
Skakel Delish Restaurant by 028 722 1850.
'We bring you the latest Heidelberg, Hessequa news'
