HESSEQUA NUUS - Dit is weer daardie tyd van die jaar en 'Hessequa Got Talent' is op soek na die persoon of groep wat oor die nodige talent beskik om dié titel vir 2017 van verlede jaar se wenners, 'Adorable Girls' van Melkhoutfontein oor te neem.
Kan jy dans, sing, rym, drama of enigiets uniek doen? Alle inwoners van die streek wat glo dat hul oor daardie unieke talent beskik om as wenner uit die stryd te tree, word genooi om deel te neem. Inskrywing is heeltemal gratis.
Sewe uitdunne word op Albertinia, Gouritsmond, Melkhoutfontein, Riversdal, Slangrivier en Heidelberg beplan. By elke geleentheid sal drie wenners aangewys word en die 21 finaliste gaan op 'n latere stadium teen mekaar meeding, waarna die nuwe wenner aangewys sal word. Die totale prysgeld is R10 000.
Die doel van die kompetisie is om 'n platform te skep vir jong, talentvolle en opkomende kunstenaars en aan hul die geleentheid te gee om binne 'n bekende en veilige omgewing en struktuur die eerste tree na sukses te gee.
Vir meer inligting aangaande die kompetisie, kontak Charles Prins by 074 791 2279, epos charles.hessequa@gmail.com of besoek hul Facebook-blad.
• 10 Maart, Theronsville Gemeenskapsaal, Albertinia;
• 11 Maart, Gouritsmond Gemeenskapsaal;
• 17 Maart, Melkhoutfontein Gemeenskapsaal;
• 18 Maart, Slangrivier Gemeenskapsaal;
• 24 Maart, Duivenhoks Gemeenskapsaal, Heidelberg;
• 7 April, Riversdal Burgersentrum;
• 8 April, Vermaaklikheid.
'Ons bring jou die nuutste Hessequa nuus'
