HEIDELBERG NUUS - Heidelberg het Saterdag hul voorseisoen goed afgeskop toe hulle al drie hul vriendskaplike rugbywedstryde tuis teen Swellendam gewen het.
In die hoofwedstryd tussen die twee eerstespanne het Heibi met 22-12 gewen nadat hulle rustyd met 17-5 voor was. Hulle het ook vier keer gaan druk met Duvon Jacobs, haker, met twee drieë, Curtley de Laan, agtsteman met een drie, en Jason Liebenberg, senter, met een.
Heibi se derdes het met 12-5 koning gekraai het, terwyl die tweede span naelskraap met 15-14 as oorwinnaars van die veld gestap.
Heibi speel weer Saterdag tuis teen Montagu en hier kan hulle ‘n verwoede stryd verwag aangesien die besoekers hul nederlaag van verlede seisoen sal wil wraak.
‘Ons bring jou die nuutste Tuinroete, Hessequa, Karoo nuus’
