STILBAAI NUUS - Nie eers 'n ligte reëntjie kon die geesdrif by Stilbaai-rolbalklub se laaste stel wedstryde van hulle besigheidsliga se rolbaltoernooi demp nie.
Die spanne het dit Donderdagaand, 27 November, uitgespook om te bepaal wie as wenners gekroon word.
The Heist se Rayner Becker, Liandri Becker en Wian Jonck, met hulle mentor, Frans Human, het die toernooi gewen.
Die span was in die Februarie toernooi tweede en het toe al gesê dat hulle hard gaan probeer om te wen en het daad by die woord gevoeg.
In die tweede plek was dit Die Buffels. Tobias Hanekom en Evert Kleynhans is bygestaan deur Dewald von Maltitz wat vir Ludwig van Eyssen ingestaan het en hulle ervare mentor, Wynand Breytenbach.
Derde was dit die Sharp Shooters, Graham Ramsay, David Demonse, Thys Lourens en Suzette Hamilton (mentor).
Salon BeYOUtiful of te wel die Turbo Tutu's het die geesbeker gewen en Roman Security se Charlotte Olivier, Charlene Naudé, Riaan Naudé en mentor, Amanda Lïnstrom was die span met die beste drag.
Die volgende toernooi begin in Februarie 2026.
‘Ons bring jou die nuutste Tuinroete, Hessequa, Karoo nuus’
