Honderde inwoners en oud-inwoners van sover as Pretoria, Pietersburg, George, Mosselbaai, Kaapstad en ander nabygeleë dorpe het die geleentheid, wat Vrydagaand met rugbywedstryde voorafgegaan is, bygewoon.
Heidelberg Ou Kroks en hul eweknieë van Riversdal, asook Kairos Senior Sekondêre skool se o.19's en ’n Uitnodigingspan van Heidelberg Abet het teen mekaar kragte gemeet. Daar was ook tafeltennis en domino's in die paviljoensaal gespeel.
’n Groot optog vanaf die Duivenhoks Gemeenskapsaal deur die Oos-Dorp, via die Sentrale Dorpsgebied tot by die sportgronde het Saterdag se verrigtinge aangekondig.
Altesaam 16 spanne het Saterdag sake op die rugbyveld uitgespook. Spanne van Bonnievale, Kaapstad en Slangrivier het deelgeneem.
Die Tigers 1-span het vir die tweede agtereenvolgende jaar die Cup-afdeling gewen toe hulle die Outsiders in die finaal oorrompel het. Tigers 2 het die Plaat-afdeling gewen deur Morning Milk in die finaal te verslaan.
Die 2015 Heidelberg Sportdag kampioenspan, Tigers 1 en 2, vier hier saam met hul ondersteuners hul oorwinning.
Die Wynland-span spog met hul banier vir Borskankermaand tydens die groot optog na die rugbyveld.
ARTIKEL EN FOTO'S: CLIVE PRETORIUS, SUID-KAAP FORUM - KORRESPONDENT
'Ons bring jou die nuutste Heidelberg, Hessequa nuus'
