HESSEQUA NUUS - Die Tuinroete-distriksmunisipaliteit het vanoggend, 19 Februarie om 08:00, ’n opdatering uitgereik oor die brand noord van Gourikwa naby Gouritsmond.
Volgens die munisipaliteit is die brand tans onder beheer.
Brandbestrydingspanne fokus tans op ’n aktiewe lyn aan die noordwestelike kant van die brandgebied, waar vooraf voorbereide brandstroke reeds in plek is.
Die doelwit vir vandag is om die brand in dié blok volledig te omsluit en te blus.
Die res van die brandlyne sal deur die dag gemop en beveilig word om verdere brande te voorkom.
Inwoners word versoek om enige veld- of bosbrand onmiddellik by die Tuinroete-noodoproepsentrum aan te meld by 044 805 5071 of via WhatsApp by 081 709 5193.
‘Ons bring jou die nuutste Tuinroete, Hessequa, Karoo nuus’
