STILBAAI NUUS - Die kop van die veldbrand, wat die Rietvlei-pad oorgesteek het, is onder beheer. Brandspanne het deur die nag gewerk.
Een ontoeganklike gebied bly aan die suidooste kant van die Rietvleipad en word tans vir toegang te voet beoordeel. Hierdie gebied is noordoos van Melkhoutfontein geleë.
Spanne van die Tuinroete-distriksmunisipaliteit en die Hessequa-munisipaliteit is op die toneel.
Indien u 'n veld- of bosbrand opmerk, rapporteer dit asseblief onmiddellik by die Tuinroete-noodoproepsentrum by 044 805 5071 of via WhatsApp by 081 709 5193.
‘Ons bring jou die nuutste Tuinroete, Hessequa, Karoo nuus’
