RIVERSDAL NUUS - Suid-Kaap Forum het 'n nuusredakteur bygekry en wil Ben Snyman aan die lesers bekendstel.

Ben kom met baie entoesiasme en 'n wil om 'n waardevolle bydrae te maak.

Sy joernalistieke reis het afgeskop by Pretoria Technikon waar hy twee jaar studeer het nadat hy by Afrikaans Hoër Seunskool in Pretoria gematrikuleer en een jaar diensplig voltooi het.

Hy het sy praktiese jaar by Witbank Nuus voltooi. Ben het by bekende publikasies gewerk soos Pretoria Rekord, Cape Community Newspapers en Polokwane Observer.

In 2024 het hy vir nege maande as redakteur by Graaff-Reinet Advertiser ingeval voor sy skuif na Riversdal. 

Hy het nog altyd 'n passie gehad om na stories te luister en in sy eie woorde oor te vertel.

Behalwe om 'n joernalis te wees is Ben ook 'n familieman.

Ben wil graag die gemeenskap dien deur by plaaslike klubs, skole, gemeenskapsorganisasies, die munisipaliteit en polisie betrokke te raak.

Hy nooi die gemeenskap uit om hom te kontak met nuus of om sommer net te groet per e-pos by bens@groupeditors.co.za of skakel 066 057 8467. 

‘Ons bring jou die nuutste Tuinroete, Hessequa, Karoo nuus’