SUID-KAAP NUUS - Duisende korrektiewe beamptes, families, amptenare en lede van die gemeenskap het eers die roudiens op Dinsdag, 12 Mei en daarna die massabegrafnisdiens op Saterdag, 16 Mei bygewoon vir die lede van Buffeljagsrivier Korrektiewe Dienste.
Beide dienste was by die plaaslike skougronde.
Bunit Brand, Frederick Carstens, Joseph Klaase, Dawid Arries, Sydwill Johnson, Ronzio Merrington, Nicolaas Jansen en Josephine Gertze het hul lewens verloor toe 'n vragmotor eers agter teen 'n bakkie, wat vir aankomende verkeer gewag het om na die oorkant van die pad te gaan, gebots het en toe teen die minibus van die Departement van Korrektiewe Dienste (DKD).
Hulle was op pad na Buffeljagsrivier om vir diens aan te meld.
Jansen, Johnson, Klaase, Merrington en Gertze is tydens ’n roerende begrafnis ter ruste gelê.
Carstens en Brand is reeds Woensdag begrawe en Arries is Vrydag begrawe.
Klik hier vir vorige artikels:
Die roudiens.
Die ongelukstoneel.
'Ons bring jou die nuutste Hessequa nuus'
