RIVERSDAL NUUS - Die jaarlikse interprovinsiale o.12- en o.13-rugbytoernooi het vanmiddag 6 Maart by Hoër Landbouskool Oakdale in Riversdal afgeskop, waar jong rugbyspelers van verskeie skole hul kragte teen mekaar meet.
Die toernooi bring verskeie spanne van regoor die land bymekaar en word oor twee dae beslis.
Die openingswedstryd van die toernooi is tussen Panorama en Laurus gespeel.
Laurus het sterk begin en die wedstryd oortuigend met 15 - 0 gewen.
Volgens organiseerders wag daar nog baie aksiebelaaide rugby vir toeskouers, met verskeie wedstryde wat nog die naweek gespeel sal word.
Ondersteuners kan dus uitsien na opwindende wedstryde waar jong talent hul vaardighede op die veld ten toon stel.
‘Ons bring jou die nuutste Tuinroete, Hessequa, Karoo nuus’
