RIVERSDAL NUUS - Die Hessequa Munisipaliteit het op Woensdag 9 Julie ’n belangrike stap geneem in die rigting van verbeterde gemeenskapsveiligheid met die gradueringsplegtigheid van 15 nuwe vredesbeamptes by die burgersentrum.
Hierdie beamptes het ’n geakkrediteerde 30-dae opleidingsprogram voltooi, aangebied in samewerking met die Departement van Polisietoesig en Gemeenskapsveiligheid (DPOCS).
Die program is gemik op die bemagtiging van plaaslike jeug, sowel as die versterking van munisipaliteite se vermoë om wetstoepassing en geweldvoorkoming effektief te hanteer.
Vyf van Hessequa se bestaande wetstoepassingsbeamptes het ook addisionele opleiding ontvang om hul vaardighede te verfyn.
‘Ons bring jou die nuutste Tuinroete, Hessequa, Karoo nuus’
