STILBAAI NUUS - Die plaaslike voëlklub het besluit om te ontbind en voortaan deel te vorm van U3A (University of the Third Age).
Dié besluit is op 8 Maart geneem en sal voortaan bekendstaan as U3A Stilbaai: Voëlgroep.
- Om die Suid-Afrikaanse Voëlatlasprojek deur gestruktureerde atlaswerk te ondersteun;
- Voëlidentifikasiekursusse vir beginners te organiseer;
- Gevorderde kursusse aanbied om meer atlassers op te lei;
- Voëluitstappies met die doel om identifisering te verbeter en te organiseer.
Johan van Rooyen (U3A: komiteelid) is gekoöpteer om behoorlike koördinering te verseker. Lede van die voëlklub wat nog nie as lede van U3A aangesluit het nie, word volgens Niel van Wyk (voorsitter: U3A) aangemoedig om dit te doen.
Nie-lede kan wel deelneem aan die atlasprojek en kan die voëlklub se aanbiedings, praatjies en lesings bywoon. Kursusse en uitstappies sal egter slegs vir U3A lede wees.
'Ons bring jou die nuutste Stilbaai, Hessequa nuus'
