Gallery Video
HESSEQUA NUUS EN VIDEO - Toerisme binne die Hessequa-streek is weer besig om ‘n oplewing te toon.
Karavaanparke, gastehuise en selfsorgeenhede is besig om volgepak te word met toeriste wat reeds voor vlak 1 van inperking na strandoorde en ander toersime-attraksies stroom.
Die plaaslike munisipaliteit is positief dat toerisme vorentoe ‘n drastiese toename sal beleef.
Deon Lewis, bestuurder regsdienste en administrasie by die munisipaliteit het Maandag, 21 September gesê met vlak 1 en internasionale vlugte wat weer vanaf Donderdag, 1 Oktober die land mag invlieg, verwag hulle dat wildplase, wynkelders en strande hoofsaaklik meer aftrek sal geniet onder reisende oorsese besoekers.
Fotogalery: Toerismebedryf tel op binne Hessequa
In Stilbaai wemel dit van mense wat vis soos soetkoek opkoop soos vissersbote die hawe binnekom.
Strande sien al meer toeriste se spore in die sand en restaurante dis weer vir talle op.
Kyk 'n video hieronder:
• Lees meer aanlyn en in Suid-Kaap Forum.
