RIVERSDAL NUUS - Volgens kapt Simphiwe Nkosa (waarnemende stasiebevelvoerder: Riversdal Polisie) was daar gedurende Junie-maand 'n styging in misdaad.
"Daar is 'n geweldige styging in rooftogte waar gemeenskapslede geroof word van hulle besittings naamlik selfone asook kontant.
"Die slagoffers is meestal ouer persone," het sers Edwina Heskwa (mediabeampte) gesê.
Volgens Heskwa was daar ook 'n toename by diefstalle uit motorvoertuie.
"Verskeie items soos kruideniersware, asook elektroniese toerusting is gesteel. Let wel, dit is 'n kriminele oortreding om gesteelde eiendom aan te koop of in besit daarvan te wees." waarsku sy.
Die polisie gee die volgende veiligheidswenke aan die gemeenskap:
- Moet nie waardevolle items soos skootrekenaars, kameras, selfone of kontant sigbaar in u voertuig los nie.
- Maak seker dat alle vensters en deure van u voertuig gesluit is.
- Verwyder losmaakbare radio's en radio gesiggies.
- Moet nie u handsak sigbaar in die voertuig agterlaat nie.
- Vermy donker en bebosde gebiede.
- Moenie alleen loop in verlate plekke.
- Moenie groot bedrae geld of waardevolle items op u as persoon ronddra nie.
- Wees bekend met die area en persoon waar u beweeg/loop.
- Vermy vreemde persone en moenie huiwer om dit te rapporteer by u plaaslike polisiestasie nie.
Riversdal polisie doen 'n beroep aan die gemeenskap om asseblief ag te slaan op hierdie veiligheidswenke. sodoende kan daar verhoed word dat 'n misdryf gepleeg word en dat u 'n slagoffer van misdaad word.
'Ons bring jou die nuutste George, Tuinroete nuus'
