ALBERTINIA NUUS - Die volgende kreatiewe sessie van Cash For Trach, in samewerking met Hessequa Munisipaliteit, vind Saterdag, 17 Januarie in die stadsaal vanaf 07:00 tot 14:00 plaas.
By die geleentheid gaan 'n klompie kreatiewe mense demonstreer hoe hulle plaaslike onbenutte produkte en afvalmateriaal op innoverende wyse omskep in waardevolle, bruikbare en verkoopbare produkte. Aan elke persoon wat produkte uitstal en produkte uit afvalmateriaal maak word 'n tafel en 'n paar stoele toegeken, waar hulle demonstreer hoe die produkte gemaak word.
Effektiewe benutting van afvalmateriaal help ook om die omgewing skoon te hou.
Tydens hierdie demonstrasie sal bepaal word of daar belangstellendes is wat betrokke wil raak by die vervaardiging van nuttige produkte uit afvalmateriaal ten einde 'n inkomste daaruit te verdien.
produkte te omskep.
Versamel solank bruikbare items wat andersins verlore sou gaan as besoedelende afval, maak dit skoon en bring dit saam sodat dit omgeskakel kan word in bruikbare items. Bring al die gereedskap en toerusting saam wat benodig word vir die vervaardigingsproses, byvoorbeeld 'n skêr, spykers, hamer, saag, lym, gom, mes en so meer.
Rig navrae aan Boy van Rensburg by 083 6042 108; Jeff Gibson by 082 469 7106 of Helena Gibson by 084 430 6406.
Een van die uitstallers tydens verlede jaar se demonstrasie. Foto: Theresia van Rensburg, korrespondent.
ARTIKEL EN FOTO: THERESIA VAN RENSBURG, SUID-KAAP FORUM-KORRESPONDENT
'Ons bring jou die nuutste Albertinia, Hessequa nuus'
