SUID-KAAP NUUS - Die Kankervereniging van Suid-Afrika (KANSA) beklemtoon gedurende September die belangrikheid daarvan om die publiek bewus te maak van kinderkankers.
Kanker is relatief skaars in kinders - ongeveer 2% van kankerpasiënte wêreldwyd is kinders - maar dit is belangrik om kennis te dra van die waarskuwingstekens.
Na raming word die helfte van alle kinders met kanker in die land nooit gediagnoseer nie.
Die algemene simptome is dieselfde as ander kindersiektes, maar as een of meer van die simptome voortduur (kyk na die lys van simptome en waarskuwingstekens op http://bit.ly/2daIlGd, moet mediese hulp sonder versuim verkry word.
Die mees algemene kankers onder kinders is leukemie, limfoom, breingewasse, sarkoom of kwaadaardige gewasse, Wilms-gewas, retinoblastoomen kiemsel-gewasse.
Leukemie is die mees algemene kanker onder kinders - meer as 25% in Suid Afrika en breingewasse - 13.44%.
Bevordering van voorkoming
· Voltooiing van die twee dosisse menslike papilloomvirus (HPV) entstof soos nasionaal verskaf in skole deur die Departement van Gesondheid in samewerking met die Departement van Basiese Onderwys om die risiko van servikale kanker te verminder.
· Volg 'n gesonde en goed gebalanseerde dieet.
· Maak seker jy doen genoeg fisiese oefening.
· 'n Kind se vel moet beskerm word teen die skadelike ultraviolet (UV) strale van die son wanneer hulle buite is.
· Vermy sonbeddens en om binnenshuis jou vel te verbruin.
· Rook is verbode.
· Voorkoming van minderjarige drankgebruik.
· Vermy blootstelling aan sekere chemikalieë.
· Beperking van die dosis van bestraling tydens mediese prosedures.
Navorsing oor kinderkanker
Kansa verskaf bystand deur middel van programme oor navorsing en ondersteun tans twee navorsingsprojekte oor kinderkanker.
Breingewasse is die tweede mees algemene kanker onder kinders, maar min inligting is bekend oor die gewasse.
Selfs in goed toegeruste instellings is breingewasse verantwoordelik vir kankerverwante sterftes onder kinders. In Suid-Afrika in besonder is feitlik geen inligting oor kinders met breingewasse beskikbaar nie. Prof Figaiji van die Instituut vir Kindergesondheid by die Rooikruis Kinderhospitaal lei 'n studie wat deur KANSA befonds word.
Die studie word gedoen om wesenlike epidemiologiese en kliniese inligting te genereer om hierdie gebrekkige en verwaarloosde studieveld op te gradeer en om 'n platform te skep vir verdere navorsing oor pediatriese breingewasse deur middel van die ontwikkeling van 'n biobank van monsters van kankers vir toekomstige navorsing.
Hodgkin se Limfoom (HL) bestaan uit sowat 5% van alle kanker tydens die kinderjare en het die hoogste syfer van genesing in goed toegeruste instellings wat gerapporteer is - 80-90%. Geen gepubliseerde navorsing bestaan egter oor die getalle van genesings van kinders met HL in die land nie.
Dr Jennifer Geel van die Universiteit van die Witwatersrand, Charlotte Maxeke Johannesburg Akademiese Hospitaal lei 'n studie wat ook deur KANSA befonds word. Die doel daarvan is om die oorlewing van Suid-Afrikaanse kinders met HL te bepaal en om die data te vergelyk met soortgelyke navorsing oor statistieke van oorlewing.
Dit is die eerste studie van sy soort in die land en sal data van elke pediatriese onkologie-eenheid in Suid-Afrika analiseer.
'Ons bring jou die nuutste Hessequa, Tuinroete, Klein Karoo nuus'
