RIVERSDAL NUUS - Die 21-jarige man wat daarvan verdink word dat hy sy ma, Fransiena van der Merwe (55) vermoor het, het weer Woensdag 19 Oktober vlugtig in die plaaslike landdroshof verskyn.
Die saak teen Pieter le Roux is uitgestel tot 26 November. Die voorlopige ondersoek dui daarop dat die moord op 28 Julie omstreeks 05:25 plaasgevind het.
Volgens die patalogiese forensiese verslag het Van der Merwe waarskynlik aan veelvuldige kopwonde en bloedverlies gesterf. Die vermoede bestaan dat 'n panga of byl in die moord gebruik is. Die liggaam het tekens dat sy vasgemaak en gesleep is, 'n feit wat Le Roux aanvanklik ontken het.
Hy het beweer dat hy die liggaam van die oorledene ongeveer 10km verder in 'n bos langs 'n grondpad gevind het nadat sy vroeër die oggend met haar voertuig gery het. Dit het egter aan die lig gekom dat hyself die liggaam verwyder en in die bosse geplaas het.
Le Roux word ook van regsverydeling aangekla. Hy het intussen sielkundige evaluasie ondergaan en sal die verslag aan die hof voorgehou word. Hy bly in aanhouding tot sy volgende verskyning.
Klik hier vir vorige artikels:
- Gru-moord op ma: Verdagte in hof
- Gru-moord op ma: Saak uitgestel
- Ma grusaam vermoor: Saak uitgestel
- Opvolg: Grusame moord op ma
- Opvolg: Seun vas vir ma se moord
- Ma vermoor, seun in hof
- Vermaaklikheid-moord: Vrou se seun verdagte
- Vrou se liggaam op Vermaaklikheid gevind
'Ons bring jou die nuutste Riversdal, Hessequa nuus'
