Update
HEIDELBERG NUUS - Ten spyte van haar ma se skielike afsterwe tydens haar nasionale eksamen, het Hagär-Deigh Esau, tweede oudste dogter van Danville en Suzette Esau steeds gefokus gebly en met vlieënde vaandels 'n baccalaureus vrystelling verwerf.
Esau se ma het die oggend na haar 18de verjaarsdagvieringe skielik siek geword en later in die hospitaal aan 'n beroerte gesterf.
Dít terwyl sy nog drie vakke moes aandurf.
Die terugslag het haar egter nie afgeskrik nie en het sy met die hulp en bystand van haar pa, ouer suster, jongste broer en ander familie die tragedie verwerk en haarself oortref om dié broodnodige vrystelling te verwerf.
"Ek glo my ma is baie trots op my en dat sy glimlaggend op my afkyk."
Esau beoog om met haar finansiële bestuurstudies aan Northlink Kollege se Tygerberg-kampus, ook haar beste te lewer en haar familie trots maak.
Lees 'n vorige artikel hier: Ma se afsterwe tydens eksamens stuit haar nie.
'Ons bring jou die nuutste Heidelberg, Hessequa nuus'
