STILBAAI NUUS - Blombos Grot, enkele kilometers wes langs die dorp se kuslyn is een van twee nuwe provinsiale erfenisgebiede.
Dié besluit is Vrydag, 29 Mei afgekondig en beteken dat die grot voortaan op provinsiale beskerming aanspraak sal kan maak. Dit bevat waardevolle argeologiese vondse uit die Middelsteentydperk en word gesien as die geboorteplek van abstrakte denke (Cradle of Creativity). Die grot, wat gesluit is vir die publiek, is ongeveer 100 meter van die see en 35 meter bo seespieël.
Prof Christopher Henshilwood het die terrein in 1991 ontdek. Die eerste opgra-wings is deur hom en 'n medewerker, Cedric Poggenpoel gedoen. Onder sy leiding is werk vanaf 1997 tot 2009 gedoen, asook verdere opgra-wings daarna. Die grot be-vat ongeveer 55 vkm sigbare neerslae. Die ingang was met die eerste opgrawings byna heeltemal toe weens duinesand en 'n bolaag van ongeveer 20cm ongerepte
aeoleaanse sand.
Dit het aan Henshilwood getoon dat dit sedert bewo-ning uit die Middelsteentydperk onverstoord was. Die okerrots-vondse in 2002 en daarna toon dat daar abstrakte afbeeldings in Suid-Afrika gemaak is 30 000 jaar vóór sulke afbeeldings in Europa verskyn het.
Daar is reeds sowat 70 000 tot 100 000 jaar gelede stilistiese en simboliese merke op dié oker aangebring. Vóór die vonds van nagenoeg 8 000 stukke, is aanvanklik geglo dat abstrakte afbeeldings wat dui op moderne menslike gedrag en kognitiewe kompleksiteit vir die eerste keer in Europa gemaak is, ongeveer 40 000 jaar gelede.
Latere navorsing het verder getoon dat inwoners van die grot aan gebraaide skilpaaie gesmul het. Dr Jessica Thompson van die Universiteit van Queensland, Australië en Henshilwood het dié ontdekking gemaak. Skilpad-reste wat gevind is, dateer tussen 73 000 en 94 000 jaar terug.
Daar is bewyse dat die skilpaaie heel op die vuur gegooi, gebraai en dan met klipgereedskap oopgekap is om te eet. Plante en seekos van die gebied het ook 'n belangrike rol gespeel in die oorlewing van mense wat die grot bewoon het.
Blombos Cave has been declared a Provincial Heritage site on Firday, 29 May. This heritage site contain important evidence of pre-historic life and with its declaration as a heritage site it will be preserved for future generations. The Blombos Cave is especially important as it contains archaeological evidence from the Middel Stone Age and bears testimony to a cultural tradition which no longer exist. Due to this Blombos Cave is not open to the public, but the Hessequa Archaeological Society manages a detailed exhibition on the cave at the Palinggat Homestead and forms part of the Archaeological Museum.
Blombos Museum: 'n Argeologiese skatkis onder een dak
Die Blombos Museum van Argeologie wat gehuisves is in die historiese Palinggat Opstal is in die lewe geroep deur die voormalige Hessequa Argeologiese Advieskomitee en ingewy deur Henshilwood op 14 Oktober 2006.
Die uitstalling oor Blombos bevat dubbelwang punte (Stilbaaipunte), beengereedskap, varswaterskulpe wat in kralesnoere gebruik is, 'n replika van die befaamde gegraveerde oker en 'n grimeerstel. Daar is ook ander uitstallings van Vroeë-, Middel- en Laatsteentydperk-artefakte afkomstig uit die streek.
'n Gedeelte is toegewy aan die jag en kulturele voorwerpe van die Boesmans, asook 'n Khoekhoen kleipot.
'n Galery van Boesmanrotskuns uit die Langeberge, tesame met 'n klein uitstalling wat die tegnologie van die Boesman-kunstenaars uitbeeld, is 'n nuwe toevoeging.
Verder is daar gebeentes van diere wat hier aktief was, insluitend olifante en hiënas.
Die uitstalling oor Blombos bevat dubbelwang punte (Stilbaaipunte), beengereedskap, varswaterskulpe wat in kralesnoere gebruik is, 'n replika van die befaamde gegraveerde oker en 'n grimeerstel. Daar is ook ander uitstallings van Vroeë-, Middel- en Laatsteentydperk-artefakte afkomstig uit die streek.
'n Gedeelte is toegewy aan die jag en kulturele voorwerpe van die Boesmans, asook 'n Khoekhoen kleipot.
'n Galery van Boesmanrotskuns uit die Langeberge, tesame met 'n klein uitstalling wat die tegnologie van die Boesman-kunstenaars uitbeeld, is 'n nuwe toevoeging.
Verder is daar gebeentes van diere wat hier aktief was, insluitend olifante en hiënas.
Verwante artikels:
Kyk hier onder na 'n video oor die Blombos Grot.
Die Blombos museum van argeologie.
Die Blombos Grot.
ARTIKEL, VIDEO EN FOTO'S: LOUISE MOUTON, SUID-KAAP FORUM JOERNALIS.
'Ons bring jou die nuutste Stilbaai, Hessequa nuus'
