STILBAAI NUUSFLITS - Die Hessequa Vereniging vir Argeologie (HVA) is 'n vrye-assosiasie en nie-statutêre liggaam wat op 1 April 2008 deur 'n aantal inwoners gestig is om die argeologiese erfenis van Hessequa te bewaar en bekend te stel.
Hierdie erfenis sluit in: die oer-oue visvywers, die skulpkombuise langs die kus van die Gouritsriviermond tot by die Breederiviermond, die rotskuns vindplekke in die Langeberge, die argeologiese skatte van die Blombos grot, die veelheid argeologiese artefakte wat in die streek gevind word, baie ander plekke van argeologiese en kultuur-historiese belang, asook die unieke kalksteen fynbos van die area en spesifiek in die Hesssequa streek.
Lidmaatskap is oop vir almal wat belangstel in die argeologie van die streek en in die bewaring van hierdie erfenis.
Die Vereniging se primêre doelstelling is om mense bewus te maak van die argeologie van die Hessequa-gebied en om kundigheid daaroor uit te bou ondermeer deur, maar nie beperk tot die volgende:
- Bevordering van die openbare belangstelling in en ondersteuning van die argeologie.
- Doen of laat doen argeologiese en verwante studies.
- Bewaar of laat bewaar belangrike argeologiese artefakte en reste.
- Instandhouding en uitbreiding van die bestaande Blombos Argeologiese Museum.
- Inlig van lede oor tersaaklike aangeleenthede deur onder andere kennisgewings, nuusbriewe, die media en die reël van uitstappies.
- Aanbieding van lesings en besprekings vir lede en die breë publiek.
- Skakeling met ander belanghebbende organisasies en indiwidue waar nodig ten einde die doelstellings van die Vereniging te bevorder.
Gefossileerde olifantspore naby Stilbaai.
Klik hier vir verwante artikels:
- Blombos trek filateliste se aandag
- Blombos Grot kry bewarings-status
- Ageologie vereniging besoek Suid-Kaap
- Erfenisbewaring is noodsaaklik
- Nuwe rotstekeninge gevind
'Ons bring jou die nuutste Stilbaai, Hessequa nuus'
