RIVERSDAL SAKE NUUS - Riversdal Toyota is trots op die toekennings ontvang tydens die jaarlikse Toyota Nasionale konferensie en toekenningsgeleentheid.
Pieter Wentzel (onderdele bestuurder) het die toekenning ontvang as die beste onderdele bestuurder in die land. Hy het meegeding met klein, groot en mega handelaars landswyd. Dit is die hoogste toekenning wat ‘n onderdele bestuurder kan ontvang.
Die diensafdeling en onderdele het ook ‘n toekenning ontvang vir kliëntediens en is ook aangewys as ‘n “Lighthouse” handelaar.
Dit beteken dat ‘n handelaar moet voldoen aan die hoogste tegniese opleiding kwalifikasies, hoë standaarde handhaaf in omgewingsbewarings prosedures en kliënttevredenheid, asook presteer bogemiddeld in doelwitte wat Toyota SA aan die handelaar gee. Riversdal Toyota is een van slegs drie handelaars in die Wes-Kaap en sestien handelaars landswyd wat ‘n “Lighthouse” handelaar is.
Toyota is trots op Meghann Bouwer wat tydens die 2016 Knights inhuldigingseremonie bekroon is met die F&I CE Knight van die Jaar. Dit is die prys vir kliëntediens in die afdeling finansiering en versekering wat insluit alle handelaars in die land. Dit is die vierde keer dat sy hierdie prys wen.
“Ons by Riversdal Toyota is passievol oor kliëntediens. Meghann Bouwer lewe vir kliëntediens op ‘n dag-tot-dag basis. Om deel te wees van die Toyota Knights program moes Meghann aan sekere kriteria voldoen, soos kliënttevredenheid, verkoopsvolume, markaandeel en betrokkenheid in die gemeenskap saam met die handelaar en onafhanklik.” het Henk Louwrens (handelaarshoof: Riversdal Toyota) gesê.
Meghann Bouwer en Pieter Wentzel wen elkeen ‘n toer na Dubai.
'Ons bring jou die nuutste Riversdal, Hessequa nuus'
