“By ons nuwe teksmark kan skrywers die verhoogmatigheid van nuwe verhoogtekste toets en met terugvoer van rolspelers in die bedryf, voltooi of afrond,” vertel Rhodé Snyman (uitvoerende hoof: Kunste Onbeperk). Hierdie inisiatief word ondersteun deur die Nasionale Afrikaanse Teaterinisiatief (NATI) en die Baxter Teatersentrum.
Volgens Hugo Theart (kreatiewe hoof: Kunste Onbeperk) het skrywers tot Maandag 12 September om voorstelle elektronies in te dien. Dit word dan tot ’n leesteaterprogram verwerk, wat op 31 Oktober en 1 November by die Baxter Teatersentrum in Kaapstad aangebied word.
Tekste, in alle Suid-Afrikaanse tale wat nog nooit voorheen professioneel opgevoer is nie kan ingeskryf word, solank die skrywer inwillig dat dit in Afrikaans vertaal mag word.
Voorstelle moet teen Maandag, 12 September 2016 elektronies aan Linda Marques, programbestuurder van Kunste Onbeperk, by linda@kunste.org.za gestuur word. Alhoewel volledige tekste verwelkom word, word opvoerbare uittreksels van ten minste 10 minute ook oorweeg. Meer inligting en riglyne is beskikbaar by www.kunste.org.za/teksmark.
Navrae kan gerig word aan Marques of Faasen by cornelia@nati.org.za.
'Ons bring jou die nuutste Tuinroete, Klein Karoo, Hessequa nuus'
