SUID-KAAP NUUS - Vyf spanne van die Eden (SWD)-tennisvereniging sal die vereniging van 13 tot 17 April in Kaapstad by die SA seniors interprovinsiale tennistoernooi verteenwoordig wat deur die Westelike Provinsie aangebied word.
Volgens die voorsitter van die unie, Debra Hyde, is dit voorwaar 'n besondere prestasie vir die unie om dertig spelers na die toernooi te kan stuur. Die registrasie en verwelkoming vind op Sondag 12 April by die Kelvin Grove tennisbane plaas terwyl die prysuitdelingsfunksie op Vrydag 17 April tydens 'n galageleentheid by die Kennilworth Race Course gehou word.
Nog 'n pluimpie in die hoed van Eden, volgens Hyde, is dat vyf van die unie se spelers pas gekies is om Suid-Afrika van 8 tot 13 Junie in La Baule, Frankryk, by die ITF wêreld seniors tenniskampioenskap te verteenwoordig. Ronnie van't Hof van Knysna is aangewys as kaptein van die SA 60+-span, terwyl HG Scheün van Mosselbaai gekies is vir die 55+ span en drie vroue, Debra Hyde (Knysna), Christine van Coller (Wesbank) en Rida Bester (Wesbank) vir die 50+ span.
Die spanne vir die SA seniors toernooi in Kaapstad is:
Mans: Wehmeyer Ferreira (NMMU), Dave Olsen (Plettenbergbaai), Francois van Zyl (Mosselbaai).
Vroue: Debra Hyde (Knysna; kapt), Christine van Coller (Wesbank), Rida Bester (Wesbank).
Mans: Freddie Lötter (Uniondale), Theo Pieterse (Mosselbaai), Danie Steyl (Wesbank; kapt)
Vroue: Ironel Lötter (Uniondale), Elmarie Lategan (Wesbank), Elaine Benson (Riversdal).
Mans: Nico le Roux (Uniondale), Pieter Schoeman (Wesbank; kapt), Michael le Roux (Uniondale).
Vroue: Annerie Louw (George), Shirley Pressley (Mosselbaai), Dot Roberts (Mosselbaai).
Mans: Pietman Mostert (Mosselbaai), Stevie Keuler (Mosselbaai), HG Scheün (Mosselbaai; kapt);
Vroue: Thea Malherbe (George), Lientjie Roos (Riversdal), June Smith (Mosselbaai).
Mans: Ronnie van't Hof (Knysna; kapt), Niel Swart (Riversdal), Ernst Kok (Wesbank).
Vroue: Hanlé Cronje (Wesbank), Maryna Olivier (Wesbank), Ansie Geldenhuys (Mosselbaai).
'Ons bring jou die nuutste Tuinroete, Klein-Karoo, Hessequa nuus'
